2015-06

ASKOLTEZ SONA ENREJISTRURO (achento Hispana)

  • Castillo del Morro, La Habana, Cuba, 20042015-05-10 | 2 457 153 | 419-029-CU   | La chefulo Kubana Raúl Castro renkontris la papo Franciskus. Kuba pokope des-restriktadis praktikado di religio e kelka altra yuri pos la renkontro historial dil lora papo Ioannes Paulus la 2-ma kun la lora chefulo Kubana Fidel Castro en la yaro 1998, pos l’ ad-veno a Kuba dal lora papo Benediktus la 16-ma en la yaro 2012 e specale depos la yaro 2014, kande inter-relati Usana-Kubana divenis multe plu bona danke ad aktivesi diplomacal da Raúl Castro, Franciskus e la chefulo Usana Barack Obama. (On povas spektar arkitekturo Kubana en la fotografuro.)
  • 2015-05-12 | 2 457 155 | 142-030-JP   | Du homi mortis pro la tifono Noul en Filipini, qui festos la 117-ma aniversario di sua ne-dependeso de Hispania en la 12-ma di junio. Pose la tifono atingis insuli sud-Japoniana, movonte su tra Amami Ōshima e Kyūshū a Honshū, central-Japonia. Ico esas l’ evento maxim importanta por Japonia depos l’ elekti lokal unigita en aprilo 2015.
  • 2015-05-12 | 2 457 155 | 034-524-NP-1 | Sismo di grandeso 7.3 frapis Namche Bazar, est-Nepal, proxim la kampeyo infra por Monto Everest e la frontiero di Tibet, west-Chinlando. Helikoptero dil infantrio naval Usana ye komiso alejiva des-aparis super Bhimeshwar, central-Nepal, portante ok homi. Ito esas l’ evento maxim des-quietiganta por ica parto dil peninsulo Indiana depos la sismo Nepalana di aprilo 2015.
  • 2015-06-02 | 2 457 176 | 021-840-US   | La paragrafi decidiva dil lego USA PATRIOT expiris en la nokto-centro (dil tempo nord-est-Amerikana) inter la 31-ma di mayo e l’ 1-ma di junio, pro ke la senato Usana ne atingis konkordo a plu-longigar olu. La senato Usana adoptis la lego USA FREEDOM, qua transferas la responso pri kolektado masal di datumi telefonal di Usani ek l’ Agenterio di Sekureso Nacional a societi telefonal.