BATALIO DI RUSPINA


HODIE EN LA HISTORIO – Dum la 4ma di januaro en 46 ante Kristo, Julius Caesar e lua trupi posvivis atako surpriza da Titus Labienus e da lua trupi republikana lor la batalio di Ruspina. Labienus esis anciena partisano di Caesar, qua transiris a la republikana latero

lor la intercivitana milito inter Caesar e le ‘Optimates’, t.e. la partiso politikalmente konservema dil Senato Romana. Julius Caesar livis lua kampeyo en Ruspina, Nord-Afrika, por expediciono en la skopo aquirar furnisaji, akompanata da tri legioni, e mikranombra kavalriani. Nihilominus, Caesar ne deskovris furnisaji ma grandega armeo enemika vartante ilu. Lua trupi submersesis per la nombro ed esis kompletamente cernata. Titus Labienus kavalkis an la fronto opoze a la trupi di Caesar por mokar li. Malgre ico, un de la soldati di legiono di Caesar lansis ilua javelino a la kavalo di Labienus, tale mortigante l’animalo. Labienus shamis opoze a lua propra viri.
La trupi di Caesar liberigis su ed esis kapabla retroirar a lia kampeyo. Caesar esis itere staconta kontre la trupi di le ‘Optimates’ tri monati pose, lor la Batalio di Thapsus, olqua parefektigis ilua vinko.