Le cathedral affundate

In le cathedral affundate
le pisces ha le missa
Illos canta mute bullose psalmas
a Ichthys, su salvator
qui un die les ducera
al paradiso: le oceano celeste
In timor illos tremula
pensante del diabolo
qui sovente veni con nave ruitose
equipate con un draga horripilante
Le organista sona Water Music
e Aquarium de Le Carneval del Animales
dum le pisces recipe oblatos
preparate de plancton sacre
“Missa finite es,
nata in pace”, le prestre Salmon bulli
e abundante bancos efflue
del cathedral affundate
al oceano large