Vamos celebrar nostre (im)perfection… pan e circo pro le populo.

Le presidente pote paraphrasar Marie Antoinette:
“Si illes non ha pan, que illes mangia bolla!”

Vamos celebrar
Le stupiditate human

Le stupiditate de tote le nationes
Mi pais e su grege 
De assassinos coarde
Stupratores e fures


Vamos celebrar
Le stupiditate del populo

Nostre policia e television
Vamos celebrar nostre governamento
E nostre Stato que non es Nation

Celebrar le juventute sin scholas
Le infantes morte

Celebrar nostre disunion


Vamos celebrar Eros e Thanatos
Persephone e Hades

Vamos celebrar nostre tristessa
Vamos celebrar nostre vanitate


Vamos comemorar como idiotas
In cata februario* e die feriate

Tote le mortos in le stratas
Le mortos pro manco de hospitales


Vamos celebrar nostre justitia
Le aviditate e le diffamation

Vamos celebrar le prejudicios
Le voto del analphabetos
Commemorar le aqua putride
E tote le dos os impostos
Le incendio del forestes, mendacios
E sequestrationes



Nostre castelo

De cartas marcate
Le travalio sclave
Nostre parve universo
Tote le hypocrisia
E tote le affectation
Tote robamento e tote indifferentia
Vamos celebrar epidemias
Il es le festa del claque champion**


Vamos celebrar le fame
Non haber a qui audir

Non haber qui on amara
Vamos alimentar lo que es malignitate
Vamos nocer le corde


Vamos celebrar nostre bandiera
Nostre passato

De absurdos gloriose
Toto que es gratuite e fede
Toto que es normal
Vamos cantar juncte
Le lacrima es ver
Vamos celebrar nostre nostalgia
E commemorar nostre solitate


Vamos festear le invidia
Le intolerantia

Le incomprension
Vamos festear le violentia
E oblidar nostre gente
Qui ha travaliate honestemente
Le integre vita
E ora illes ha solmente
Derecto a nihil


Vamos celebrar le aberration
De tote nostre manco de senso

Nostre manco de reguardo al education
Vamos celebrar le horror
De toto isto
Con festa, vigilia mortuari e sarcophago
Il es toto morte e interrate nunc
Pois que nos anque pote celebrar
Le stupiditate de qui ha cantate
Iste canto


Veni!
Mi corde es in haste

Quando le sperantia es disperse
Il es sol le veritate que me libera
Basta al malignitate e illusion


Veni!
Le amor sempre ha le porta aperte

E il veni arrivante le primavera
Nostre futuro recomencia
Veni!
Proque lo que io ha es Perfection!


Nos ja ha le circo, ora manca le pan…
***
Un canto per un del plus famose gruppos musical brasilian, Legião Urbana. Lo canta Renato Russo, considerate anque como un poeta qui sapeva monstrar le spirito del juventute de un tote epocha del pais e su ideas es valide usque al dies actual. Hodie, quando nos vive sub le dictatura del mendacio, sub le republica del farsa, facite per un governamento extremamente corrupte, incapace e populista – pro non dicer cosas pejor – on senti le manco de su presentia e voce, assatis incisive contra iste realitate putride in le qual le pais vive, differente ab le propaganda que le restante del mundo e le proprie pais es ducite a creder. In le proxime dies, le personas de altere paises videra detra le mascara que nostre dictatura sole vender al mundo: le “pais meravilia” que sol existe in le delirios e follias del inepte governamento actual, con le presidente-marionette de jure Dilma Rousseff e le presidente de facto, Lula, le manipulator; ambes plen del mesme scoria de immoralitate. Si vos venira in loco, sia benvenite ad un farsa, e presta attention, proque, como diceva altere musico-poeta, Tom Jobim: “Brasil non es pro novicios…” 


Notas al texto: *epocha de realisation del Carnaval; ** claque ci es in le signification de personas que es fanaticos a un equipa footballistic. 


Composition: Dado Villa-Lobos/Renato Russo, iste ultime qui lo canta in le gruppo Legião Urbana