Yo ha traductet li canzon “Rise like a phoenix” del austrian cantator Conchita Wurst. Ti canzon ha ganiat in li annu 2014 li Eurovision Song Contest in Köbenhavn (Dania). It es tre disputat pro li person Conchita Wurst. Ella nascet quam Thomas Neuwirth e travestit se quam fémina sur li scene e transforma se sur li scene in li figura Conchita Wurst e il/ella porta un barbe.

Li triumf de Conchita Wurst (german por salsice) es anc un victorie de tolerantie in Europa. Mult persones in Europa plendit contra ti canzon e su interprete. Yo pensa que it es un excelent canzon e Conchita Wurst have un fantastic voce benque yo ne ama li musica del canzon mult, ma li es un digni victor del Eurovision Song Contest.

CONCHITA WURST

ASCENDER QUAM UN FÉNIX 

Titul original: Rise like a Phoenix

Avigilar se in ruines

Vader súper vitre

Vicines di que noi es truble

Ma ta témpor ha passat.

Regardant del spegul

No, to ne es yo

Un foreno aproxima se

Qui posse esser ti person

Tu totmen ne vell conosser me hodie

Yo vola ex li pallidant luce

Ascender quam un fénix

Ex li cindres

Serchant plutost quam venjantie

Retribution

Tu esset advertit

Tam bentost quam yo es transformat

Tam bentost quam yo es renascet

Tu save que yo va ascender quam un fénix

Ma tu es mi flamme.

Ea a tui aferes

Acter quam tu es líber

Nequí posse har atestat

Quo tu ha fat a me.

Pro que tu ne vell conosser me hodie

E tu deve vider

Por creder

Ex li palissant luce

Ascender quam un fénix

Ex li cindres

Serchant retribution

plutost quam venjantie

Tu esset advertit

Tam bentost quam yo es transformat

Tam bentost quam yo es renascet.

Yo ascende ad-supra in li ciel

Tu jettat me ad-infra ma

yo va volar.

Ascender quam un fénix

Ex li cindres

Serchant retribution

Plutost quam venjantie

Tu esset advertit

Tam bentost quam yo es transformat

Tam bentost quam yo es renascet

Tu save que yo va ascender quam un fénix

Ma tu es mi flamme.