Yer yo comensat con mi virtual cursu de Interlingue in Secund Vive. Mi avatar Charlotte De Wahl es un instructora por Interlingue in li Swiss International Finishing School Chillon.

Du scoleras Lucie e Soline esset de Francia e Carani esset de Germania. It sembla a me que Interlingue es plu facil por parlantes de romanic lingues, ma ili have mult fals amicos. Ma Carani anc esset diligent e excelent. It es fascinant qualmen persones aprende rapidmen Interlingue!

Noi comensat yer con li sequent textu:

INCONTRA IN LI SCOLE

Noi es in Chillon. Chillon es un scole por puellas.
To es Carani. Ella es un scolera de Chillon.
E to es Sandra, ella es un nov scolera in Chillon.

Carani: Bon die. Yo es Carani, qui es tu?
Sandra: Salute, mi nómine es Sandra.
Carani: Benevedit in Chillon! Qualmen tu standa?
Sandra: Mersí, yo standa bon. E tu?
Carani: Yo anc standa bon.
Sandra: E qui es li puella?
Carani: Ella es Isabelle.
Sandra: E qui es li mann?
Carani: Il es Wayland Pearl.
Sandra: Esque ili es scoleres?
Carani: Yes, Isabelle es un scolera No, Wayland ne es un scolero. Li scole es bon, ma it es solmen por puellas.
Sandra: Mersí, adío.
Carani: Neproquó, a revidentie.

In ti foto de levul: Soline (scolera de Francia), Charlotte De Wahl (Instructora de Interlingue), Carani (scolera de Germania) e Lucie (scolera de Francia).

Ellas lude in li fotografie un situation totmen in Interlingue. Noi exercit salutationes e quelc de conservation secun li exemple del textu.