2021-02-07 – Ebolo en la Demokratia Respubliko Kongo

4a94cf33a7121b57b8eee5eef9b29850595c831eLa ministerio de sano de la Demokratia Respubliko Kongo anoncis “revigliĝon” de la ebola viruso en la orienta flanko de la lando post kiam oni estis informinta, ke virino tie mortis pro la malsano je kvar tagoj antaŭe. La anonco venas je tri monatoj post kiam la Monda Organizaĵo pri Sano deklaris finon de la ebola epidemio en la Provinco Ekvatora en la okcidento de la lando. La okcidentafrika ebola krizo mortigis pli ol dek mil homojn inter la jaroj 2013 kaj 2016. (CD)