Le hospital

Le hospital es tanto grande
e le homines tanto parve
Il ha multe cameras
in le domo del medicina
In alcunos habita desperation
e in alteres le spero
In alcunos cresce le sanitate
e in alteres illo marce
Le hospital es tanto grande
e le homines tanto parve
alcunos entra
pro non plus exir
ma pro alteres iste domo
es le prime que illos vide
Le homines vestite in blanc
diligentemente vade inter cameras
como leucocytos
et essaya destruer
omne infectiones
Le hospital es grande
e le homines parve
- ma numerose