Antidepresantes

Rosto has posted an article:

Che nosi lokal radio yo hodie audiv, un psikologiste parlav pri problema de suocides inter pueres. Ta problema ipsa es tre komplika e serioza, ma yo skribe pri altra afere. Yen ke, li psikologiste multe parlav pri labore psikologial, ma in un momente il div, ke ili dona antidepresantes a pueres kun serioza depresia, e ke isto helpa diminuar quanto de suocides. Il dira, ke ta antidepresantes es mola e sindanjera. Li medikistes fara, ko ili pova por solvar li problema, forsan ili es yusta. If plu bona decide no es trovebla, on uza lo atingebla.

Yo scribe nun pri antidepresantes. Multega adolta homes, precipue che occidente, conscientim uza antidepresantes. Multes es mem fiera pri to, kuaze: “Yen, kuala activa e desfacila es mei vita, yo mem no pova evitar manjar antidepresanta medikamentes.” Li fabricantes de ta substancias aserta, ke lesi remedie no es domajiva por sano e no provoka dependese. Forsan isto es tala. Anke, sindubitable antidepresantes es plu bona kam alcohol o droges. E tamen eske antidepresantes es bona decide por solvar vosi psikologial problemas? Nu, segun semblo multes es contenta, sequim it solva lesi problemas.

Yo pensa, in li vita es importanta por nos realizar nosi propra individualitate. Agar in li vita kun clara consciencie. If un home chanja su consciencie per antidepresantes, eske complete ol ipsa aga in su vita? No, partiale kemia aga vice lu. Talmaniere ol dare controle super lui activitate a forces de elementes, segunvole ol deminua liberitate de su spirite. Tale, li tema de antidepresantes es un tema spirituala. If un home vole por se maximala spirituala liberitate, ol evita antidepresantes e altra kozes capabla artificiale chanjar stando de consciencie.

Leave a Reply