Monthly Archives: November 2018

Gidores de Cmer Roja es culpable de jenoside

A la ves prima, on ia judi ce du xefes de Cmer Roja, la rena cruel en Camputxa, es culpable de jenoside.

Nuon Chea, ci ave aora 92 anios, ia es la suordinada de la xef major Pol Pot, e Khieu Samphan, ci ave 87, ia es de xef de stato. Los ia es litigada a un corte suportada par la Nasiones Unida, sur acusas de mata muslimes txam e persones ci es etnical viet.

La judi de culpablia es la deside ofisial prima ce lo cual la rena ia fa ia es un jenoside, como definida par leges internasional.

On crede ce asta du milion persones, de ci la plu ia es etnical cmeres, ia mori en la rena corta e sistemin barbar de Cmer Roja entre 1975 e 1979.

Car la matas plu vasta de la popla camputxa no cabe a la defini streta de jenoside en leges internasional, aceles ia es prosededa como crimines contra umanas, en loca.

La du omes, ci es ja en prison per sua vive intera par causa de sua crimines contra umanas, ia reseta aora un plu condena a prisoni eterna. Los es du de sola tre persones condenada en la esiste de esta corte, nomida la Cambras Estracomun de la Cortes de Camputxa.

Rohingias teme ce on va reenvia los a Miama

On ave teme e confusa en campas de refujadas par causa de nonsertia sur esce Bangladex va reenvia rohingias a Miama. La autoriosas ia dise ce los intende move oji la grupo prima, ma lo no es clar esce esta va aveni.

La Nasiones Unida e grupos per diretos umana ia dise ce on debe obliga nun a revade, car la situa en Miama no es secur.

Plu ca 700 mil muslimes rohingia e otra persones ia fuji a Bangladex en la anio pasada. Los ia fuji de violentia e atas militar en la ueste de la provinse Rakhine.

La NU ia dise ce on debe investiga ofisiores miama major e litiga los sur jenoside par causa de esta atas, sur cual la armada dise ce los ia ojeti sola ativistes violente.

Sirca 300 mil rohingias ia fuji ja Miama pos ondas plu temprana de violentia comunial.

La plu de la refujadas abita en state simple en campas estendosa, prosima a la site Cox’s Bazar a la frontera bangla. Miama e Bangladex ia acorda ce on debe gradal reenvia los a Miama, e miles de persones es ja aprobada par Miama per esta prosede.

Esta ia provoca un panica entre la refujadas. En Miama, multe de los ia sufri violentia, ia perde membros de sua familias, o ia esperia la arde de sua casas.

La rohingias muslim es un de la multe minorias etnical en Miama. La pais es xef budiste, e la autoriosas ala regarda los como migrores nonlegal, privante los de sitadania e otra diretos. Tra multe anios, la NU ia alega multe maltratas de diretos umana, incluinte matas caprisal, viole sesal, e arde de imobilas.

En la anio pasada, la militar miama ia inisia medias forte en Rakhine, pos cuando ativistes rohingia ia fa atacas matante contra polisierias. Pos alora, a la min 700 mil rohingias ia fuji a Bangladex, pais visina.

La armada miama ia desculpa ja se de malcondui e ia rejeta la alegas. Aung San Suu Kyi, la xef nonmilitar de Miama par fato, es presente en Singapor per un confere internasional.

El es internasional criticada per lo cual promovores de diretos umana descrive como sua fali de oposa la ativia militar contra la rohingias.

On proposa ce bancos sentral ta furni mone dijital

Christine Lagarde, la xef de la Reserva Monal Internasional, ia dise ce bancos sentral tra la mundo debe considera la furni de mone dijital. Parlante en Singapor, el ia dise ce esta ta forti la securia de intercambias dijital.

Paias par mone nonfisical ia multipli tra la anios, creante defias per governas e bancos sentral. Regulores ia espresa sua consernas sur mone dijital e ia recomenda un supravide aumentada.

“La vantaje es clar,” Lagarde ia dise. “Paias ta es direta, secur, barata e cisa semianonim. E bancos sentral ta reteni un funda solida per paias.” El ia ajunta ce bancos sentral en Canada, Xina, Sveria e Uruguai “considera seria” la proposas sur mone dijital.

La encarga de mone virtual, si furnida par un banco sentral, ta parteni a la governa, como lo de mone fisical, e no a un compania privata. Esta ta aida consumores par fa ce intercambias deveni plu secur e plu comun, e donce min custosa.

“Si on servi plu persones, la servi es plu barata e plu usosa,” el ia nota. “Companias privata pote investi tan poca a securia ce los no mesura completa la custa sosial de un fali de paia.”

El ia dise ce, an si la favore a mone dijital “no es universal”, on debe investiga lo en modo “seria, atendente e creosa”.

On ia loda la tecnolojia cual suporta mone dijital car lo ia rapidi intercambias finansial e ia redui custas. Ma la anonimia de comersia con sistemes como Bitcoin ia ansi regulores.

En pasada, Lagarde ia dise ce criminores e teroristes usa tal criptomones par causa de la la anonimia cual los ofre. E la governor de la Banco de England ia dise ce on debe regula la criptomones per combate ativia nonlegal e proteje la sistem finansial.

Un focon cisa criminal en un scola ugandan

A la min des persones es mor e desuples es ferida pos un ataca, sur cual on alega ce lo ia es un ensende criminal, contra un dormeria en un scola abitada per xicos en Uganda sude.

La focon ia comensa en la temprana de la matina de lundi, en un bloco cual ia casi desuples de studiantes de la Liseo San Bernard en la distrito Rakai. La portes de la dormeria ia es securida, e desuples de persones ia es trapida a la interna.

La ensenior xef de la scola, Henry Nsubuga, ia descrive la focon como “un ata odiable”.

Tre persones, incluinte un gardor de scola, ia es arestada par la polisia per interoga. Dudes studiantes es en state estrema grave en ospital, e ofisiores averti ce la cuantia de mores va crese cisa.

On investiga esce studiantes escluida ia es envolveda en la ensende alegada.

Persones visina desperante ia atenta estingui la flamas, usante arena, acua e brices, ma sua labora ia es complicada par la portes clavida e par un fuma densa en la construida.

Rakai es situada a sirca 280 cilometres a sude de Kampala, la capital de Uganda, prosima a la frontera con Tanzania. Alga ofisiores major de la governa, incluinte la ministros de educa e securia, ia viaja a la scola pos la focon.

Sento anios pos la autonomi de Polsca

Folas vasta ia selebra la aniversario sento de la autonomi de Polsca, ma con controversia sur un deside de inclui grupos estrema destriste.

Nasionalistes ia es entre plu ca 200 mil persones partisipante en un prosegue en la capital, Warszawa, gidada par presidente Andrzej Duda. Partitos oposante ia boicota la aveni.

A la mesma tempo, presidente Emmanuel Macron de Frans ia urje xefes de stato a rejeta la nasionalisme, en cuando los ia onora la aniversario sento de la fini de la Gera Mundal Prima.

La Dia Nasional de Autonomia en Polsca remente la popla sur la restora de potia a la pais en 1918, de la imperos rusce, deutx e osteraices-magiar.

La plu de la partisipores en la prosegue en Warszawa ier ia porta banderas polsce e sinturetas roja e blanca, ma alga ia teni banderas representante partitos estrema destriste de Polsca e Italia. Multe de la proseguores ia ave pirotecnicales portable, cual ia pleni la stradas con fuma roja.

Duda ia dise ce el desira ce la prosegue es un selebra orgulosa e joiosa, e ia averti ce la polisia va prosede cualcun ci porta banderas ofendente o canta sloganes de la spesie oiada a la prosegue en 2017, como “Polsca pur, Polsca blanca”.

En la semana pasada, un corte polsce ia reversa un proibi contra la prosegue de nasionalistes en Warszawa, ma on reporta ce la avenis de ier ia es pasosa, sen banderas o cantas ofendente.

La prosegue a la Dia Nasional de Autonomia es ance popular con miles de polsces patriota comun, incluinte los ci suporta la partito Lege e Justia, cual governa. Sirca 60 mil persones ia partisipa en la anio pasada.

Macron, parlante a xefes de stato en Paris, ia descrive la nasionalisme como “un tradi de patriotisme” e ia urje otras a “batalia per la pas”. El ia ajunta: “Si on dise ‘nosa consernas es prima e la otras no importa’, on elimina la cosa la plu valuosa de un nasion – sua valuas moral.”

Sento anios pos la fini de la Gera Mundal Prima

Rituos aveni oji tra la mundo per onora la aniversario sento de la sesaspara cual ia fini la Gera Mundal Prima.

En Australia, on ia fa un rituo a la Monumento Nasional de Gera en Canberra, e en Adelaide un avion ia cade miles de papaveras de paper roja. En Zeland Nova, un saluta par fusil ia aveni en la capital, Wellington. La militares de esta du paises ia perde multe soldatos en la campania de la Penisola Gallipoli en 1915.

En Barat, rituos ia es fada per onora la 74 000 soldatos ci ia mori en combate a la otra lado de la mundo. La papaveras cual es en Europa moderna un simbol de la versa de sangue ia reposa miscada con calendulas jala, egal simbolin.

La rituo xef en Europa va aveni en Paris. Donald Trump e Vladimir Putin es entre los ci va es presente a un rituo su la Arco de Vinse.

En la Rena Unida, 10 000 persones va prosegue a la Senotafio en London, e membros de la popla, elejeda par votas, va partisipa en la rituo de pone ala garlandas de papaveras.

Ier, Emmanuel Macron e Angel Merkel ia visita la vila Compiègne en la norde de Frans. Los ia suscrive un libro de recorda en un vagon de ferovia identica a lo en cual on ia acorda ala la sesaspara de 11 novembre 1918.

Donald Trump ia condui controversa par cansela un visita a un semetero de la mores de gera, par causa de un mal clima. Sirca 50 organizas ativiste intende fa oji un protesta en Paris contra sua visita.

2018-W45 – Election in le Statos Unite

AUDI REGISTRATION DE SONO

safe-imageIn le Statos Unite de America in martedi, il habeva un election medi-mandate de omne 435 membros del Camera del Representantes, de 35 membros del Senato (includente duo electiones special in Minnesota e Mississippi) e de 39 governatores de statos e territorios e numerose cursas local. Liberales social (le Partito Democratic) ha assumpte le domination in le Camera del Representantes, durante que conservativos (le Partito Republican) ha augmentate lor majoritate in le Senato. (US)

Pluve deluvial en Urdun

En Urdun, deluvias subita ia mata a la min sete persones e ia obliga la evacua de cuasi 4000 turistes de la site antica Petra.

Salvores e elicotores xerca sinco persones de ci sua auto ia es puxada a via en Madaba, a sude-ueste de la capital Aman. Pluves forte ia causa ance un state de crise en Aqaba, site de porto.

Esta segue a sola du semanas pos la afoca de 21 persones, xef enfantes, en un deluvia subita prosima a la Mar Mor.

Un enfante ia es un de la sete persones matada par la inondas en la rejion Daba’a, a sude de Aman. Ance un autovia liante la capital con la sude de la pais ia deveni blocida.

En Petra, la acua ia ateni 4m de altia en alga locas. Videos mostra persones sur la strada xef de la site ci ia atenta traversa la acua. La turistes evacuada ia es moveda a locas secur.

On previde plu pluve forte per oji, e recomenda ce abitores en partes afetada parti de sua casas.

Urdun ia sufri ja alga semanas de pluve intensa. En otobre, la popla ia coleri cuando 18 scolores en un turi educal ia es puxada a via par acua. La ministros urduni de educa e turisme ia resinia a pos.

Un nederlandes litiga per redui sua eda par 20 anios

Un instruor nederlandes de positivia ia comensa un batalia legal per cambia sua eda per aumenta sua posibles de cortea.

Emile Ratelband, ci ia nase a 11 marto 1949 e ave 69 anios, vole move sua data de nase a 11 marto 1969. El descrive la cambia como simil a la autoidentifia de persones como transjenero.

Un corte local en la site Arnhem en la este de Nederland va judi la caso ante la fini de cuatro semanas. Ma la ofisiores duta, credente on ave no mecanicisme legal cual permete ce un person cambia sua data de nase.

Un de la judores ia demanda como on ta trata la dudes anios cual Ratelband desira sutrae. “Ci tua jenitores ia cura alora? Ci ia es acel xico peti?”

Ratelband dise ce otras es prejudosa contra el par causa de sua eda, e ce esta afeta sua posibles de emplea e sua susede en Tinder, la ap de cortea. Plu, el dise ce, longo sua dotores, el ave la corpo de un om de 45 anios. El descrive se an como un “dio joven”.

El dise ce el no teme senese ma desira masimi sua vive per un tempo tan longa como posible. El dise ance ce el va renunsia sua pension si el susede cambia sua data de nase.

La constitui de Nederland proibi clar la prejudi contra emplea par causa de eda.

Ratelband, un famosa en medias publica e un guru motivante, ia converti a budisme en la parte plu temprana de esta anio. El es un ensenior de programi neurolinguistical, e ia vosi la carater Vladimir Trunkov en la varia nederlandes de la filma de Pixar Autos 2 en 2011.

Kaleidoscopic peculiaritates

Trans un kaleidoscopio io spectava:
videva cosas que io non expectava
Luce entrava trans plure aperturas
lassante me vider fragmentos de verdura
Triangulos, hexagonos
e altere polygonos
Verde, jalne lumine
planta un micre semine
in mi phantasia, que es vermente
le kaleidoscopio de mi proprie mente
e me monstra multe mystic imagines,
peculiaritates, facies sin nomines

Un fe de mar salva un bove afocante

En England, un bove afocante ia es salvada de la Rio Thames par un “fe de mar” pasante en sua nada de 320 cilometres.

Lindsey Cole nada per aumenta la consensia de la efetos ambiental de plastica dejetable. El ia comensa a venerdi en la vila Lechlade, la punto la plu alta do la rio es navigable, portante un paracua, un xapo e un coda de fe de mar.

Nomida la “fe de mar urban”, Cole ia vide la bove afetada cuando el ia traversa la contia Oxfordshire a soldi. El ia continua nada en cuando sua canoiste aidante ia telefoni la servis de crise.

La canoa tira un sculta grande de un fe de mar, composada de botelas plastica. Cole pleni lo con pesos de plastica cual el encontra en la acua, e pasores pote ajunta ance plastica trovada longo la rio.

El ia pensa inisial ce la bove es mera un plata grande de plastica blanca. Ma cuando el ia siniali a sua canoiste (la artiste Barbara de Moubray) per retrae lo, los ia descovre ce “lo ave cuatro gamas e lo mui”.

Pompores de la ecipo local ci fa salvas de rio ia susede lia un corda a la animal per leva lo a un loca de securia. On crede ce la bove ia cade en la acua cuando lo ia es en la campo visina e ia atenta bevi.

Cole intende nada longo la rio en 22 dias, e va pausa a scolas per discute la problemes de plastica.

Tosto hiberno

Tosto hiberno
-frigide inferno
o un saison
de activation?
Skiar, patinar,
divertente se ben,
natal celebrar
e Silvestre tamben,
le hiberno rende
bastante placente
Qui le chance prende
se amusa, vermente!

Le "interlingua" de Google

Chronica publicate in Panorama in interlingua, no. 3/2017

In novembre 2016, Google scribeva in su blog research.googleblog.com que le nove systema computatorial pro traduction automatic,”Google Neural Machine Translation (GNMT)” , habeva inventate su proprie “interlingua”. Le equipa de recerca habeva experimentate con le nove systema, le qual analysa traductiones in reguardo de integre phrases e contextos, faciente le traductiones de plus in plus melior e accurate. Illes comparava traductiones inter tres linguas: anglese, japonese e coreano. Le systema analysava traductiones inter anglese e le duo linguas asiatic, ma non inter japonese e coreano. Postea illo debeva traducer inter japonese e coreano, e le resultato era multo bon. In le experimento, le systema faceva isto sin information super previe traductiones inter le duo linguas! Le recercatores alora concludeva que GNMT habeva create su proprie “interlingua”, un forma de codice semantic que possibilisa iste nove forma de traduction machinal.

Gedalyah Reback in geektime.com se opponeva contra le idea que le systema in se mesme habeva create alique. Secundo ille le simple facto es que, como in le caso de homines, quanto plus linguas le systema sape, tanto plus melior deveni le comprension de nove linguas. Sin reguardo al facto si le systema habeva o non habeva create “un interlingua”, le facto remane que Google Translate deveni melior con cata anno. Ma quando illo comenciara traducer de e a Interlingua? Io scribe Interlingua con majuscula, proque il me sembla importante marcar le differentia inter Interlingua de IALA e “un interlingua”, le qual Oxford Dictionary defini como “un lingua artificial, inventate pro traduction machinal, le qual face explicite le distinctiones necessari pro traduction successose a un lingua de destination, mesmo ubi illos non son presente in le lingua de fonte.”

Interlingua es un nomine popular. Il anque ha le Interlingua de Peano, melior cognoscite como “Latino sine flexione” e le interprisa “Interlingua” que insenia anglese.
Le facto que le nomine interlingua es ambigue pote esser e bon e mal pro Interlingua. Le bon cosa es que homines pote trovar nostre lingua per hasardo, quando illes se occupa con traductiones machinal o quando illes apprende anglese. Le mal cosa es que a vices homines pote confunder nostre Interlingua con altere cosas e perder le opportunitate de apprender lo.

In le futuro proxime, systemas como GNMT potera facer functionante e usabile traductiones in le campo technic o pro besonios de communication quotidian. Forsan in le futuro plus distante, artificial intelligentias potera facer bon traductiones de poesia e belletristica. Ma mesmo tunc, Interlingua de IALA non devenira inactual. Illo non solmente es un lingua pro fines practic, illo es un interlingua non pro machinas, ma pro homines. Illo nos da ver comprension interlingual e intralingual. Certe cosas non pote esser substituite per machinas.

Nonobstante isto, io me gaudera multo le die quando interlingua de Google potera traducer a Interlingua de Gode. Io suspecta que on debe haber un certe amonta de textos in Interlingua in le rete, assi que Google Translate potera facer su analyse profunde de parolas, phrases e contextos. Alora, que nos scribe e scribe e scribe! Con cata parola que nos scribe in Interlingua, nostre lingua cresce e gania terreno. 

Democratas regania sejas en la Salon Basa de la SUA

En la elejes mediaperiodal en la SUA, la Partito Democrata ia gania la controla de la Salon Basa a la ves prima en oto anios, ma la Republicistes de presidente Trump ia forti sua controla de la Salon Alta.

On ia regarda la vota ier como un referendo sur un presidente polalinte, an si el mesma no va aspira la reeleje asta 2020.

La resulta confirma la tende istorial ce la partito cual no es en la Casa Blanca fa ganias a media de la periodo presidental.

Democratas ia converti la enerjia de la resiste libraliste contra Trump a ganias elejal, en la vota nasional prima pos la asende a potia par la presidente a du anios ante aora.

On predise ce la Partito Democrata va gania la 23 sejas cual los nesesa per prende la controla de la Salon Basa de la Congresa. Esuanes ia vota per tota 435 sejas en la Salon.

Aora, la Democratas va pote inisia investigas sur la atas manejal e comersial de Trump, de sua declaras de revenu impostable asta alga nonconvenis posible entre sua interesas. Los ta pote ance impedi plu efetosa sua projetas legal, incluinte sua promete de construi un mur longo la frontera con Mexico.

Aspirores fema ia susede notable bon en un sicle elejal cual on ia eticeti como la Anio de la Fem.

Du Democratas de 29 anios, Alexandria Ocasio-Cortez e Abby Finkenauer, va deveni la femes la plu joven en istoria ci gania sejas en la Salon Basa.

Ilhan Omar e Rashida Tlaib es la femes muslim prima, e Sharice Davids e Debra Haaland es la femes prima american orijinal, ci deveni elejeda a la Congresa. Tota es Democratas.

Similaritate Interlingua / romaniano


Isto es le none parte in mi serie de comparationes inter Interlingua e altere linguas. In le previe comparationes io ha comparate iste linguas:

Italiano (Similaritate: 80 punctos/percentos)
Latino (Similaritate: 73 punctos/percentos)
Espaniol (Similaritate: 65,5 punctos/percentos)
Portugese (Similaritate: 64 punctos/percentos)
Francese (Similaritate: 49,5 punctos/percentos)
Anglese (Similaritate: 31 punctos/percentos)
Germano (Similaritate: 24,5 punctos/percentos)
Russo (Similaritate: 17,5 punctos/percentos)

Pro anglese e espaniol io primo usava differente vocabularios del cento parolas plus commun. Ma il esseva difficile trovar un tal lista pro portugese. In vice io trovava un lista con cento parolas interessante e representative, e decideva usar lo pro tote le comparationes. Dunque io usava iste lista pro facer nove comparationes pro anglese e espaniol.
Le lista veni de iste adresse:
https://www.portuguesepod101.com/portuguese-word-lists/?page=1

Grande similaritate da 1 puncto, similaritate partial 0,5 punctos e nulle similaritate 0 punctos. Usante le lista de 100 parolas on obtene un correspondentia inter le punctos e le percentos.

Evalutar similaritate e comprensibilitate inter parolas plus o minus similar es difficile. Si vos discoperi evalutationes erronee, per favor commenta e io va corriger le errores.
Quando io es insecur del pronunciation de un parola io usa forvo.com pro controlar lo.

Iste comparationes non es scientific, ma da un resultato approximative.

In iste none parte io compara Interlingua con romaniano:

1. septimana – săptămână 1
2. anno – an 0,5
3. hodie – azi 0
4. deman – mâine 0
5. heri – ieri 1
6. calendario – calendar 1
7. secunda – secundă 1
8. hora – oră 1
9. minuta – minut 1
10. horologio – ceas 0
11. poter – putere 1
12. usar – a folosi, a utiliza 0,5
13. facer – a face 1
14. ir – a merge 0
15. venir – a veni 1
16. rider – a râde 0,5
17. vider – a vedea 0,5
18. longe – lung/-ă 1
19. parve – mic/-ă 0
20. bon – bun/-ă 1
21. belle – frumos/-oasă 0
22. fede – urât 0
23. difficile – dificil/-ă 1
24. facile – simplu/-ă 1 (=simple)
25. mal – rău 0
26. proxime – apropiat/-ă 0
27. placer – plăcere 1
28. salute – Bună (ziua) =bon (die) 0,5
29. die – zi 0
30. tarde – târziu 0
31. nocte – noapte 1
32. toto – tot 1
33. gratias – mulţumire 0
34. no – nu 1
35. deliciose – delicios/-oasă 1
36. io – eu 0,5
37. (io) es – (eu) sunt 0
38. adeo – la revedere (=revider) 0,5
39. si – da 0
40. lunedi – luni 0,5
41. martedi – marţi 0,5
42. mercuridi – miercuri 1
43. jovedi – joi 0
44. venerdi – vineri 0,5
45. sabbato – sâmbătă 0,5
46. dominica – duminică 1
47. maio – mai 1
48. januario – ianuarie 1
49. februario – februarie 1
50. martio – martie 1
51. april – aprilie 1
52. junio – iunie 1
53. julio – iulie 1
54. augusto – august 1
55. septembre – septembrie 1
56. octobre – octombrie 1
57. novembre – noiembrie 0,5
58. decembre – decembrie 1
59. zero – zero 1
60. un – unu 1
61. duo – doi 0,5
62. tres – trei 1
63. quatro – patru 0
64. cinque – cinci 0,5
65. sex – şase 0
66. septe – şapte 0,5
67. octo – opt 0
68. novem – nouă 0
69. dece – zece 0,5
70. caffe – cafea 1
71. bira – bere 0,5
72. the – ceai 0
73. vino – vin 1
74. aqua – apă 0
75. carne – carne 1
76. porco – porc 1
77. pullo – pui 0
78. agno – miel 0
79. pisce – peşte 0,5
80. pede – picior 0
81. gamba – picior 0
82. capite – cap 0,5
83. bracio – braţ 0,5
84. mano – mână 0,5
85. digito – deget 0,5
86. corpore – corp 1
87. stomacho – stomac 1
88. dorso – spate 0
89. pectore – sân 0
90. infirmera – infirmieră 1
91. empleato – angajat 0
92. policiero – poliţist 1
93. cocinero –     bucătar 0
94. ingeniero – inginer 1
95. medico – medic 1
96. gerente – manager 0
97. professor – profesor 1
98. programmator – programator 1
99. venditor – vânzător 0,5
100. scriptor – scriitor 1

Similaritate Interlingua/romaniano: 58,5 punctos/percentos

Quanto grande es le similaritate comparate con le altere linguas investigate usque nunc?

Italiano (Similaritate: 80 punctos/percentos)
Latino (Similaritate: 73 punctos/percentos)
Espaniol (Similaritate: 65,5 punctos/percentos)
Portugese (Similaritate: 64 punctos/percentos)
Romaniano (Similaritate: 58,5 punctos/percentos)
Francese (Similaritate: 49,5 punctos/percentos)
Anglese (Similaritate: 31 punctos/percentos)
Germano (Similaritate: 24,5 punctos/percentos)
Russo (Similaritate: 17,5 punctos/percentos)

Nos vide que le linguas romance se placia in le summitate del lista.
Isto esseva expectate. On clarmente vide que romaniano es un distinctemente romance lingua, con plus grande similaritate in le vocabulario con Interlingua que francese!

Io ha legite que un interlinguista svedese discoperiva que romanianos comprendeva Interlingua melior que anglese in un evenimento de sport. Ma io non pote evalutar quanto grande es iste comprension. Naturalmente, si le parlator romanian anque cognosce un altere lingua romance, le comprension deberea esser extense.

Io non ha studiate romaniano, ma ha probate leger textos romanian. Io debe confessar que le comprension es fragmentari. Io comprende multe parolas ma le grammatica obscura le signification.
Romaniano ha un grammatica plus complexe que per exemplo italiano o espaniol.
Durante centenas le lingua ha essite circumferite de linguas slave, le quales ha habite un grande influentia al vocabulario e phonetica.
Quando io ha audite romaniano, io non ha comprendite multo. Io ha comprendite certe parolas latinesc ma le senso me ha escappate.

In le lista de 100 parolas nos vide un par parolas slave:
(ro) ceas / (russo) часы (chasý) / (ia) horologio
(ro) da / (ru) да (da) / (ia) si
(ro) ceai / (ru) чай (chai) / (ia) the

Ma le majoritate del parolas in iste comparation es de origine latin. Nonobstante, secundo un investigation de Dimitrie Macrea in 1961, 11,5% del vocabulario es de origine slave, principalmente del Lingua slavonic ecclesiastic ancian, bulgaro e serbo.
https://en.wikipedia.org/wiki/Romanian_language#Lexis

Multe parolas romance es imprestate in le tempore moderne, principalmente del francese, latino e italiano. Il anque ha parolas de greco, turco, hungaro e germano.

In certe parolas como
63. quatro – patru
67. octo – opt
on vide le similaritate, ma le cambio q/c->p in iste parolas obscura lor signification pro un auditor non accostumate.

Romaniano es un interessante lingua romance que merita plus de attention. Illo ha un fascinante historia e ha multe interessante characteristicas.

Le sequente vice io comparara Interlingua con un altere lingua que ha le majoritate del vocabulario del latino, ma anque multe parolas de francese, germano e anglese. Illo ha un multo flexibile grammatica e usa duo signos diacritic que nos anque ha vidite in romaniano, per exemplo in le parola “vânzător”. Pote tu divinar qual lingua es isto?

La saisi de enfantes de un scola camerunes

Desuples de persones, xef scolores, ia es saisida de un scola abitada en la ueste de Camerun.

A la min 79 studiantes e tre otras, incluinte la ensenior xef, ia es ier saisida en la temprana de la matina en Bamenda, la capital de la rejion norde-ueste. On fa aora un opera vasta de xerca, envolvente la armada camerunes.

La rejiones norde-ueste e sude-ueste de la pais ia es afetada par un rebela separadiste en anios resente. Militias ci ia esije la autonomia de la rejiones ia urje ce on boicota la scolas.

Ma no organiza ia dise ce lo ia fa la saisi a la Liseo Presbiterian de Bamenda, cual ave enfantes de edas entre 10 e 14 anios.

Un video de alga de la enfantes, sur cual on crede ce un de la saisores ia filma lo, sirculi en redes sosial.

La studiantes, de ci tota es xicos, es en un sala pico. Los aspeta nervosa cuando la person ci teni la camera comanda los a dise sua nomes e locas de orijina. Los repete ance: “Me ia es prendeda de scola en la note pasada par la xicos amba. Me no sabe do me es.”

“Amba” pertine a Ambazonia, la nom de la pais nova cual la separadistes desira crea.

La militias separadiste ia comensa emerji en 2017 pos cuando la fortes de securia ia supresa protestas coletiva, gidada par avocatos e enseniores, sur la alega ce la governa ia fali reconose sufisinte la sistemes engles de lege e educa en la norde-ueste e sude-ueste.

On ia acusa la governa de emplea persones instruida en la tradision legal e educal franses en postos major, e de marjini jeneral la minoria de lingua engles, ci composa sirca 20% de la popla de Camerun.

Paul Biya, ci es presidente ja de 1982, ia es resente reelejeda per un periodo sete, con plu ca 70% de la votas. Partitos oposante alega ce la eleje ia es frodosa, ma atentas legal ia fali cansela la resulta.

Un ativiste ucrainsce mori pos un ataca de asida

Un ativiste major ucrainsce contra la froda ia mori a tre menses pos deveni ferida en un ataca de asida.

Kateryna Handzyuk, ci ia ave 33 anios, ia sufri ardedas a 40% de sua corpo e danas grave a sua oios par resulta de la ataca a 31 julio en la site sude Kherson. Handzyuk ia esperia 11 operas sirurjial en la capital Ciiv.

El ia es ance un membro de la comite de la site, e ia campania contra la separadisme suportada par Rusia.

Ier, presidente Petro Poroshenko ia urje ce on puni la matores. Sinco suspetadas es ja arestada.

La causa esata de la mori de Handzyuk no ia es direta sabeda, ma reportas par jornalistes local ia sujesta ce lo ia aveni par un coagula de sangue.

En setembre, la ativiste ia posta un video en cual el ia urje ucrainsces a batalia la froda nonfrenida. “Me sabe ce aora me aspeta mal. Ma a la min on trata me. E me sabe serta ce me aspeta multe plu bon ca la justia en Ucraina, car nun trata acel.”

Sua mori ier ia relasa un avalanxa de reatas en redes sosial ucrainsce, en cual multe usores ia espresa sua xoca.

Un disputa sur votas reensende en Gabon

Jean Ping, la xef de la partito oposante en Gabon, ia reclama denova la vinse de la eleje fada en 2016, car presidente Ali Bongo Ondimba es en un ospital estra la pais.

Parlante en Libreville, Ping ia urje la nasion a abandona sua divides e foca a un ideal comun. El ia ajunta ce esta ideal es lo indicada par la votas de agosto 2016, disente ce el es la person ci ia gania vera la plu de los.

Protestas violente ia eruta cuando Bongo ia es ofisial declarada como la vinsor con marjin estrema peti.

Bongo, de ci sua familia ia governa acel nasion de Africa ueste tra 50 anios, es tratada a presente en un ospital en Riad, la capital de Arabia Saudi. No plu novas ofisial ia apare sur la state de la presidente pos la anunsia inisial, a des dias ante aora, ce el es estrema fatigada e nesesa reposa.

Pos la eleje de 2016, la partito oposante ia declara ce la votas ia es frodosa manejada, e ia esije ce on reconta los. La esije ia es refusada par la corte constitual de la pais.

En sua deside, la corte ia cambia partal la resulta de la eleje difisil bataliada, donante 50,66% de la votas a Bongo e 47,24% a Ping.

2018-W44 – Sordeskasion de aer in Europ

AUSKULTA REGISTRASION DE SON (aksentuasion anglik)

imageInstituad Agensiik de Sirklad Naturik Europan in Dania av publiked raport di kualitet de aer europan in diurn lundiik. Sekuantu ist raport, transit stradik es un eks kausatori prinsipal de sordeskasion de aer, partikulare per materii lesativ periklos, eksemplike bioksid asotik e material pulvik. It av et konsekuentiteti ekonomiik masiv, eksemplike ekspektasion de vit plu brev, kosti asendant pro kur medisinik e produktativitet ekonomiik minued durantu permision maladitetik. (DK)

<phoneme alphabet=”ipa” ph=”instituˈad agensiˈik ˈde sirkˈlad natuˈrik euroˈpan ˈin ˈdania ˈav publiˈked raˈport ˈdi kualiˈtet ˈde aˈer euroˈpan ˈin diˈurn lundiˈik”/>. <phoneme alphabet=”ipa” ph=”sekuˈantu ˈist raˈport”/>, <phoneme alphabet=”ipa” ph=”tranˈsit straˈdik ˈes ˈun ˈeks kausaˈtori prinsiˈpal ˈde sordeskasiˈon ˈde aˈer”/>, <phoneme alphabet=”ipa” ph=”partikuˈlare ˈper maˈterii lesaˈtiv perikˈlos”/>, <phoneme alphabet=”ipa” ph=”eksempˈlike biokˈsid asoˈtik ˈe materiˈal pulˈvik”/>. <phoneme alphabet=”ipa” ph=”ˈit ˈav ˈet konsekuentiˈteti ekonomiˈik maˈsiv”/>, <phoneme alphabet=”ipa” ph=”eksempˈlike ekspektasiˈon ˈde ˈvit ˈplu ˈbrev”/>, <phoneme alphabet=”ipa” ph=”ˈkosti asenˈdant ˈpro ˈkur medisiˈnik ˈe produktativiˈtet ekonomiˈik minuˈed duˈrantu permisiˈon maladiteˈtik”/>.

Turcia culpa Arabia Saudi per la mata de Khashoggi

La presidente de Turcia, Recep Tayyip Erdoğan, a la ves prima ia acusa direta la governa saudi de mata la jornaliste Jamal Khashoggi. Ma asentuante la relatas amin entre Turcia e Arabia Saudi, el ia ajunta ce el no crede ce Re Salman ia es envolveda.

Khashoggi ia es omisideda a la consuleria saudi en Istanbul a 2 otobre.

Investigores turces crede ce la jornaliste, ci ia abita como un escluida, ia es strangulada cuando el ia visita per prende documentos per sua sposi veninte a un sitadan turces. On no ia trova sua corpo, e un aidor de Erdoğan ia dise ce el crede ce lo ia es disolveda en asida pos deveni taliada a pesos.

La omiside, inisial ascondeda par ofisiores saudi, ia causa un crise diplomata entre Arabia Saudi e sua aliadas. La saudis ia aresta 18 suspetadas, sur ci los dise ce los va es litigada en Arabia Saudi. Turcia vole estradi los.

Ofisiores saudi ia confesa ce Khashoggi ia mori a la consuleria, ma nega ce los sabe do sua corpo ia vade.

En la plu temprana de esta semana, un litigor major turces, Irfan Fidan, ia dise ce investigores crede ce la jornaliste ia es strangulada direta pos entra a la consuleria, en un omiside scemida. Fidan ia ajunta ce la corpo ia es desmembrida e destruida, “denova seguente scemas preparada”.