Esas por vu
ke ye la printempal prati
me kolias ca yuna herbi
quankam an mea maniko
la niv-floki falas
Ninna no Mikado
Pikturo ek Wikipedia: Nivo en Eragny da Camille Pisarro
Category Archives: Haiku IDO ed altra poemi
Frazo da Confucio (I)
Anke onu povas esar felica nur posedante rizo kom nura alimento, aquo kom la sola drinkajo e la faldita brakio kom kap-kuseno; kontree, la richeso e la ne meritita honori esas quale efemera nubi ube ni ne povas fundamentizar nia feliceso. Confucio.
Waka da Ôshikôchi no Mitsune
Falas la nivo
e nulu promenas
tra ita voyo.
Ka me es ta voyo sen traci…
me, qua sinkas me en mea tristeso?
Ôshikôchi no Mitsune (859 – 925)
Nov-Yaro Haiku
La Nov-Yaro Dio…
Nulo bona o mala,
nur homa enti.
Masaoka Shiki
FELICA NOV-YARO AD OMNI!
Poemeto da Ikkyu (I)
.jpg)
Pluvo e grelo, glacio e nivo,
esas kozi diferanta.
Ma kande li ya falis
esas la sama aquo
en la rivereto dil valo.
Ikkyû Sojun (1394 – 1481)
Birdala frazi.
La birdo ne kantas pro ke lu savas la respondo; lu kantas pro ke lu havas ula kansono.
(Chiniana proverbo)
La birdo kantas pro ke lu havas interne ula kansono qua luktas por askoltesar fore. Lu ne kantas por donar respondo ad ulu, nek pro ke lu havas la respondo al granda questioni di sua tempo. Lu nur kantas pro ke lu amas kantar.
(Anselm Grün)
Tri vent-poemi…
Ibe, me sideskis silence,
e me amis la vento dil bosko,
e me askoltis Deo dum kelka tempo…
(Thomas Merton)
Esas la haiku
en la autunal vento…
ma es en omno
(Kyoshi)
nur un sono…
la vento parkuras
l’abandonita vilajeto
(Hirundo)
Aleksandr Borodin
Aleksandr Porfírievich Borodín (Александр Порфирьевич Бородин) naskis en la rusa urbo di San Petersburgo ye la 12esma di novembro di 1883 e mortis en la sama urbo ye la 27esma di februaro di 1887.
Borodin esas tre konocata muzikisto dil “Grupo dil Kin”, ma dum lua vivo, esis preske plu konocata kom kemiisto, lua vera profeziono. Borodin esis ne-legitima filio da Georgiana princo. Evanta 7 yari Borodin, mortis lua patro ed il inkluzesis en en la testamento. Balde il komencis plear muzik-instrumenti quale la fluto e la piano.
Ye la yaro 1861, Borodin mariajesis kun famozega pianistino, Ekaterina Serguéievna Protopópova kun qua havis tri filii. Lia maxim konocata verki esas tri sinfonii (la lasta ne-finita), un sinfoniala poemo (En la stepi dil Centrala Azio) e la opero La princo Igor, anke ne-finita ante lua morto, pro to, ol finesis da Rimsky-Korsakov.
La princo Igor reprezentesis unesmafoye ye la 4 di novembro di 1890. Ol inspiresis da Rusa legendo dil XIIesma yarcento: Kanto dil armeo di Igor. La maxim konocata muziko di La princo Igor esas la Pólovtsy-ana Danci. Danci ek nomada populo qua lojis en la stepi dil Orientala Europa, en la nordo dil Nigra Maro.
Li parolis Cumana* linguo, nun desaparita.
* A (Cuman language), G (?), F (couman), I (lingua cumana), H (Cumano) R (Полове́цкий язы́к)
Du Idala tanka-i.
Yen la du tanka-i qui obtenis la triesma premio en la VIesma Konkurso di Tanka “Grau Miró”.
Inter la ruini
flugas la papiliono
sur la herbi.
Til la olda kastelo
arivis la printempo.
An la voyo
la flava florii
di printempo.
La vesperala vento
parkuras la planajo.
Haiku 42
kant la grilii -
nur un stelo
e la kreskanta luno
La normala metriko por irga haiku povas esar 5-7-5, ma ne mustas esar ol. Multi skribas haiku-i ube nur la metriko esas bone, ma la haijin (skriptero di haiku-i) aparas en la poemo e pro to anke desaparas la haiku. Ca haiku havas la normala metriko di 17 silabi ma kun altra formo, nome 5-5-7 qua anke esas valida en la haiku. Ni havas multa libereso dum skribar haiku-i!
Zen* mikra rakonto.
Ula imperatoro questionis ulafoye maestro Gudo:
Quo eventas a ula lumizita e saja homo pos mortar?
Me ne savas lo. Quale me povus savar to? – respondis Gudo.
Pro ke vu esas maestro! – dicis l’imperatoro.
Yes, vu esas yusta – dicis Gudo – ma ula ne mortinta maestro!
Prego da Gandhi
Leave a reply
Kun humileso me esforcos por amar,
por dicar la vereso, por esar honesta e pura,
por ne havar ulo quan vere me ne bezonas,
por ganar salario kun mea laboro,
por atencar sempre a to quon me manjas e drinkas,
por nultempe pavorar,
por respektar la kredenco di l’altri,
por serchar sempre lo maxim bone por omni,
por esar homo por omna mea frati.
La bambuo en la fenestro di Li Ts’e Yun
Ne tranchez ol por facar fluto,
ne tranchez ol por facar peskobastono,
kande lia folii e lia flori velkesos,
ankore esos bela sub la nivo-floki.
Po Chu Yi ( 772 – 846)
Poemeto da Tai Fu Ku.
Quanta personi kuras tra la richeso sen repozar!
Dum la tota nokto, li kontas; jorne, li galopas.
Lia vivo esas konstanta anhelo, plena ek fatigi.
Li ne savas ke sur lia tekto-domi la cielo esas blua.
Tai Fu Ku (XIII yarcento)
Poemeto da Emily Dickinson
Kordio, ni oblivios lu
ca nokte, tu e me.
Tu, la varmeso quan lu prestis a tu.
Me, la lumo quan lu donis a me.
Kande tu obliviabos,
dicez a me, nam me mustas efacar
Acelerez tua laboro,
pro ke dum tua tardeso
me itere povus memorar lu.
Emily Dickinson (1830 – 1890)
Poemeto da Bécquer.
Pro ula regardo, un mondo;pro ula rideto, un cielo;
pro ula kiso…me ne savas
quon me donus a tu pro ula kiso!
Belega e mikrega poemo dal poeto Gustavo Adolfo Bécquer (1836 – 1870), forsan la maxim importanta Romantikala Hispana poeto. Ca poemeto esas un di lua tre konocata “Rimi”. Lektina anke esas lua “Legendi”.
Haiku da Basho (XI)
nebulo e pluveto:
quankam ne videsas la Fuji,
quala bela dio!
Pikturo “Fujiyama” da Jhon Henry Twachtman ek Wikipedia.
Kelka pacala frazi da Ghandi.
Me komencas lernar Ido (ludo)
10000 viziti
Kar amiki,
me volas dankar de hike via 10000 viziti che mea Idala blogo. Vere, me savas ke ne nur Idisti eniras la blogo, ma plusa personi, natural linguo-paronlanti ed artificala linguo-parolanti. Ad omni me dankas lo. Se irgu konocos Ido tra mea blogo, me esos kontenta.
10000 danki!